ಶಿರಸಿ: ನಗರದ ಯಲ್ಲಾಪುರ ನಾಕಾ ಬಳಿಯಿರುವ ಆದರ್ಶ ವನಿತಾ ಸಮಾಜದ ಆವಾರದಲ್ಲಿ ಸಂಘಟನೆಯ ಸದಸ್ಯೆಯರು ಸೇರಿ ಹತ್ತಾರು ಗಿಡಗಳನ್ನು ನೆಟ್ಟರು. ಈ ಮೂಲಕ ಪರಿಸರ ಉಳಿವಿನ ಜಾಗೃತಿ ಸಂದೇಶ ಸಾರಿ ವನಮಹೋತ್ಸವವನ್ನು ವಿಶೇಷವಾಗಿ ಆಚರಿಸಿದರು.
ಸೀನಿಯರ್ ಚೇಂಬರ್ ಇಂಟರ್‌ನ್ಯಾಶನಲ್ ಶಿರಸಿ ಮಾರಿಕಾಂಬಾ ಲೀಜನ್ ಸಹಯೋಗದೊಂದಿಗೆ ಈ ಕಾರ್ಯಕ್ರಮ ನಡೆಸಲಾಯಿತು. ಪೇರಲ, ಮಾವು, ಲವಂಗ ಮುಂತಾದ ಹಣ್ಣುಹಂಪಲು ಹಾಗೂ ಸಾಂಬಾರ ಗಿಡಗಳನ್ನು ನೆಡಲಾಯಿತು. ಆದರ್ಶ ವನಿತಾ ಸಮಾಜದ ಅಧ್ಯಕ್ಷೆ ಮಂಗಲಾ ಹಬ್ಬು, ಸಂಘಟನೆಯ ರೇಖಾ, ಸಹನಾ, ಜ್ಯೋತಿ, ಉಷಾ, ವನಜಾ, ಉಷಾ, ಸಮಾಜದ ಸದಸ್ಯೆಯರು ಹಾಗೂ ವಾಸಂತಿ ಹೆಗಡೆ ಪಾಲ್ಗೊಂಡಿದ್ದರು.
